هذه القصيده بدع من الشاعر احمد محمد الحمري الصنبحي وهيا مرسله
الى الشاعر شايف محمد الخالدي ابو لوزه في تاريخ 1993/12/8 م
في شريط رقم 97 بصوت الفنان حسين عبد الناصر السعدي
==========================================
يقول ابو صغر ياعازم بذا المكتوب &&& سلم على الخالدي بقوال مكتوبه
وقله اناء صبرنا مثل صبر ايوب &&& واليوم كلاً يقول ايوب ايوبه
من قادة الوحده العياب والمعيوب &&& بوحدة الشعب من لحزاب معيوبه
كلاً بقا الحكم له والقوت والمشروب &&& والشعب محروم من قوته ومشروبه
ما يدرو ان كل شي في دفتره محسوب &&& والخير والشر والغلطات محسوبه
محد يسوي على شمس الضحى جلبوب &&& ولا يقول القمر مخفي بجلبوبه
قد بان ما اليوم سر القاده المحجوب &&& وعادها باتبان اسرار محجوبه
ما دام مبدا الثقه من بينهم مسلوب &&& والصدق باتصبح الحريه مسلوبه
وبايقع كم علي يا سيدي شيبوب &&& خذ ذي تبا وعفني من حكم شيبوبه
ونه مخطط من الخارج وصل مجلوب &&& وافكار من راس باحشوان مجلوبه
ذي قال بمسك علي مسكه في العرقوب &&& ما يدري ان قد علي ماسك بعرقوبه
واصبح علي من علي محتار في غيبوب &&& وشعبنا اصبح بدوامه وغيبوبه
والخير يالخالدي من بينهم منهوب &&& وعيشة ابليس عند ابليس منهوبه
ولا عاد احد في نضرنا منهم مرقوب &&& واعمالهم بالامانه غير مرقوبه
ما دام كلاً يبا الكرسي لحزبه دوب &&& وعاد عهد الديمقراطيه يادوبه
ما قد ترسخ وعاد النايب المندوب &&& ما بر بالحزب ذي سواه مندوبه
لا هم صناديد واصبح شورهم معصوب &&& كان القوام افلحت باشوال معصوبه
لكن بنوها بلا ترتيب مبنا طوب &&& لما اصبحة نثر ما طوبه لقت طوبه
صنعاء احتمت في نقم ذي فوقها منصوب &&& وخور مكسر حماه اجبال منصوبه
والشعب يابولوز في مثل ذى مقصوب &&& والارض بالتجزائه والبيع مقصوبه
ما دام كير الفتن والهيمنه مشبوب &&& ما بعترف بك ونار الكير مشبوبه
لما يقع حل جذري للغلق والبوب &&& وكل واحد يجي ذى الحصن من بوبه
لان الحنش خذ عيون السيد الحلبوب &&& والوكر ما طاع يتوسع لحلبوبه
والشعب مثل الصنم يحلم حلم مغلوب &&& لما صبحت كلها لحلام مغلوبه
بالامس حسنا خذت فني هلي خرعوب &&& واليوم شيب وحسنا بنت خرعوبه
وساقها بالحلق يالخالدي محنوب &&& ويش اطلق الرجل ذي بالقيد محنوبه
واقسم وقال المثل ان العمل مصروب &&& ونا اشهد انه صدق لعمال مصوربه
ما تمشي الخيل لاقد ساقها معطوب &&& والراس ما يرتفع والساق معطوبه
اسال مجرب عن اكل العيشه المتعوب &&& ما عيشه الامتا ماجت متعوبه
واليوم لاشي على يدك دواء مطلوب &&& او شي نصايح معك لناس مطلوبه
ما ودي اسمع بها غالب ولا مغلوب &&& حتى ولا الصين من باريس مغلوبه
عندي وعندك نضام القبيله مرقوب &&& ووحدت الشعب عند الشعب مرقوبه
ما عاد شي مخرجه من نوب من ذنوب &&& والشعب مولى العسل والنوب ذه نوبه
والحرب والعنف من قاموسنا مشطوب &&& والهيمنه بالنضام الحر مشطوبه
والمغترب شل حمله باغبر القنتوب &&& نهار كلن حموله فوق قنتوبه
واليوم قد راس حسنا من حسن مسبوب &&& والجسم صابه شلل والكبد مسبوبه
لكن عسى شي دواء في وصفتك مجروب &&& ما القبيله والدول والناس مجروبه
قد بايقولو صبر لو هو عسل مصبوب &&& ونهو صبر بايقولو بن مصبوبه
ما شي مصالح معانا من عمل معقوب &&& انا ونت مانكره الا اعمال معقوبه
والمدح ما بامتدح واحذر من المعتوب &&& ما باك تبرز على كلمات معتوبه
والصدق لا صاحبه يابو لوز منسوب &&& وكلمت الكذب للكذاب منسوبه
من كل حاجه تشوه سمعتي باتوب &&& الا من القبيله ما بعلن التوبه
ويوحني قال مالصبح بني مدسوب &&& ونهو بنك سبل ياماناس مدسوبه
واحزيك من باز مثل البهم في المعزوب &&& والذيب يسرح ويمرح جنب معزوبه
لانته عرفت اشرح لنا قمت المذيوب &&& ما الذيب قد بايكل له شاه مذيوبه
وباز ينشر تنافر لصدقا والحوب &&& ياقارت الله من ضلمه ومن حوبه
والرابع الباز بايصعد معه مركوب &&& ولا صعد في طريقه فك مركوبه
وعاد الى موقعه ذي كان به مسحوب &&& وجثته بالجبال الصلب مسحوبه
هذا ولا ترتبش بالمد والتركوب &&& شف بندق الصوب من مده ومركوبه
والختم ذكر النبي في موجزي مصحوب &&& وبه شفاعت رسول الله مصحوبه
وهاذا جواب الشاعر المرحوم شايف محمد الخالدي
الخالدي قال باجاوب ونا مقصوب &&& ماواجب اسكت بوقت الريح والزوبه
2 = بارد للصنبحي مكتوب بالمكتوب &&& ونا معى بعض ما قاله بمكتوبه
3 = من قادت الشعب تلقاء اللعب والملعوب &&& وعمالهم كلها لعبه وملعوبه
4 = رابع سنه وحنا اذرأ شوب وحصد شوب &&& والشوب ما هو غذى وجبه ومادوبه
5 = اضاهر انا رجعنا لاقبل واشعوب &&& وحنا وضعنا براس الحيد واشعوبه
6 = واخشا ضياع الذي عامد جبل منصوب &&& وتراجعة للورأ زينب وزنوبه
7 = والمشكله طال ما حبل الثقه مقطوب &&& صعب ان نحط الثقه بحبال مقطوبه
8 = ودون امشاط معنا للكنم والصوب &&& لن يصفا الراس من قمله ومن صوبه
9 = وان البنا هيش من اصله طلع مسلوب &&& والساس مسلوب والاركان مسلوبه
10 = وباني الويل ذى ما نيته مخروب &&& ما مستعد ان يرمم دور مخروبه
11 = بل مستعد بدفاء للبرد والقشبوب &&& يحسب لبرد الشتاء القارس وقشبوبه
12 = ماهم شي راحته من راحت المحبوب &&& يرتاح وحده مع خله ومحبوبه
13 = ذي فرصته من معه ساعد قوي وجنوب &&& يسرح ويمرح ويشطح فوق مركوبه
14 = ماهمه القافله لو ما اوي مركوب &&& قصده بنفسه وشاءللاه يجنوبه
15 = والبعض لو في جهنم عادله مكتوب &&& يخرج من النار يابوصغر باعجوبه
16 = ولو نقل كل شي في دفتره محسوب &&& وين الخضر وين يوسف وين يعقوبه
17 = وين المحاسب ولد يوسف ولا يعقوب &&& يوسف ويعقوب على الانظار محجوبه
18 = وانته بحمره وبن جيريش في حربوب &&& وقال باحاسب الريح امتلا غوبه
19 = اصبح معى وضعنا الحالي حساب اجيوب &&& من نال منصب وكرسي ملي اجيوبه
20 = والشعب عايش على اعصابه حطب محطوب &&& حسبه ومقدور او حاطه به اذنوبه
21 = ذي ما يعاني تلاقي دمعته مسكوب &&& يشكي ويبكي ودمع العين مسكوبه
22 = اسير عاجز مقيد بالحلق مرسوب &&& ما طاعه السير والساقين مرسوبه
23 = نكسه و ازمه خطيره منها مرعوب &&& وبطش وارهاب خلى الناس مرعوبه
24 = تلقى الجماهير ذى خايف وذى مرهوب &&& وبعض احزاب من احزاب مرهوبه
25 = واصبح صراع الاشقاء شبه نار احروب &&& والكارثه منها الاكباد مكروبه
26 = كنت اعتقد ان ذى طيب وذى حبوب &&& بايحمو الام يوم الام حبوبه
27 = وثره على شات جابر ذى البلا والحوب &&& ذى جاب صحنه واخر جاب طهطوبه
28 = والجزر والمد حول الصحن والطبطوب &&& كلاً بقا له حلب من شاه محلوبه
29 = ما باقي الا الحلب ذي بالقدح محلوب &&& والاقلبيه لواحد ما يهنو به
30 = ما كل شي من نصيب السافع البلوب &&& ومن امامه حداء خاطف ولبلوبه
31 = وعاد باقي الحدادي واجده بتلوب &&& كلن يراء الملك والمكسوب مكسوبه
32 = واملاك لشعب ضاعت واصبحت منهوب &&& وكانت املاك محروبه ومزروبه
33 = شف ايش باقي معك ياصنبحي مهكوب &&& وايش باقي معي بالجيب مهكوبه
34 = كم لي ونا صيح من راوح ومن مهيوب &&& وين ابن علوان من طعنات مجذوبه
35 = لا ظهر من بايظلي يطعن المجذوب &&& والصمت ذى لامتا ضابط النوبه
36 = باتتعب البل من جبجوب لاجبجوب &&& وراكب الخيل عامد راس جبجوبه
37 = وهكذا بايضل شعب اليمن منكوب &&& لو ما اخذنا عبر باقطار منكوبه
38 = ومحتمل يحرموه القوت والمشروب &&& لو قصد ليمن وليسر بايضحوبه
39 = بل انما الصبر حسنا بانقول مخطوب &&& قدهى لبن عمها بالبيت مخطوبه
40 = مابايخذها خطيفه واجولا جرسوب &&& ذي عارف البيت واهله ذي تربوبه
41 = ووحدة الشعب ما لشعب من مكسوب &&& جات هبه من كريم الجود موهوبه
42 = هذا جوابي مقابل حبك المطيوب &&& رديت لك حب صافي بعد تطيوبه
43 = ما برتبش شي ولا بحرق ولا باذوب &&& ومثل ظراب رامي يعترف صوبه
44 = ولغاز جتني مسلسل في مصب مصبوب &&& ماهي صعيبه بل الحرف انتهى سوبه
45 = لول هوى مجلس النواب مش معزوب &&& يضم نواب كلمة بهم مسحوبه
46 = نواب لشعب تلقى العز والترحوب &&& لو يعرفو قدر ناخبهم وترحوبه
47 = والثاني الجهل ذي خرب بناء ودروب &&& ولا دخل دار هد الساس ودروبه
48 = والعلم هو ذي يعالج كل شي باسلوب &&& لمن يذويه ويسمع من ينادو به
49 = والرابع الباز ذي يصعد على مركوب &&& هوا تشالنجر وصناعه تعنوا به
50 = من صنعت الروس وامريكه قده مجروب &&& يتفاخرو به وللمريخ يغزو به
51 = ونت افتني من كريمه راسها مصلوب &&& وجسمها والقوائم غير مصلوبه
52 = عامد وسط بحر لايخمج ولا بيروب &&& وخرى كماها لها راسين منصوبه
53 = وختمها بالحبيب الطاهر المحبوب &&& طه محمد رسول الله ومحبوبه
|